Uztailaren 20an izan zen datozen lau urteetan gurekin egongo diren egoilarrei harrera egiteko ekitaldia.
Bederatzi egoiliarren artean badaude Familia eta Komunitateko Medikuntzako 5 egoiliar, Oftalmologiako egoiliar bat eta Familia eta Komunitateko hiru barneko erizain egoiliar.
Pozten gaitu Barakaldo-Sestao ESIa aukeratu izanak.
Ongi etorri!
2021eko ekainaren 25ean sartu zen indarrean eutanasia arautzen duen 3/2021 Lege Organikoa. Lege horrek bermatzen du zer testuingurutan legez onartzen den hiltzeko laguntza medikoa.
https://barakaldosestao.osakidetza.eus/eu/Salud/apc/cartzerv/Orriak/default.aspx
Atal honetan, eutanasiari buruzko informazioa aurkituko duzu; zein egoeratan eska daitekeen edo zein profesionalek parte hartzen duten prozesuan, bai eta hori betetzen dela bermatzeko informazioa ere.
Barakaldo-Sestao ESIan Eutanasiako erreferenteen talde bat eratu da, gure erakundeko profesionalek osatua, honako funtzio hauek izango dituena:
• Informazioa zabaltzea eta ESIko osasun-profesionalei prestakuntza ematea.
• Lantalde asistentzial, mediko, arduradun eta aholkulariei lagundu eta aholkuak ematea.
Hiltzeko laguntza medikoaren prozesuarekin hasiko diren lantalde asistentzialei lagundu ahal izateko, Eutanasiaren Erreferenteen postako kontaktu-talde bat sortu da, GD-65-REFERENTESEUTANASIA izenekoa. Bertan, osasun-profesionalek aholkularitza eta laguntza eska dezakete.
Ekainean doako Wifi sarea jarri zen martxan, pazienteei eta laguntzaileei zuzenduta. Gaur egun konexioa badago eskuragarri ESIko zentro guztietan.
Nola konektatu?
Interneta eduki ahal izateko, Bisitari sarera sartu behar da, eta formularioan telefono-zenbakia eta NAN zenbakia idatzi. Une horretan SMS bat bidaliko da mugikorrera eta, bertan, formularioan idatzi beharko den pasahitza agertuko da sarean sartu ahal izateko.
Erabiltzaileak Internetera sartu ahal izango dira pasahitz berarekin bi gailutatik aldi berean 24 orduz. Eskuragarri dagoen Interneteko zerbitzua oinarrizkoa da, eta iragazita egongo da.
Zerbitzu hau erabiltzean gerta daitezkeen arazoetarako jarri harremanetan 900 105 296 arreta-telefono espezifikoarekin, ez Osakidetzako EAZrekin, ezta Informatikarekin ere.
Informazio-kartelak jarriko dira osasun-zentroetan aurreko guztia azaltzeko.
2021eko uztailaren 14an eguneratutako jarraibideen arabera, gogorarazten dizkizuegu Osakidetzako profesionalen eremuan kontaktuak aztertzeko irizpide orokorrak:
Baieztatutako kasu baten kontaktu estutzat jotzen diren profesionalek ez dute berrogeialdirik ezta etxeko isolamendurik egin beharko, baldin eta hauetako bat betetzen badute:
- Txertaketa-jarraibide osoa izatea.
- Txertorik hartu ez badute, ez dute sintomarik eta SARS-CoV-2 bidezko infekzioa izan dute, PDIA (infekzio aktiboaren proba diagnostikoa) bidez berretsia, azken 6 hilabeteetan.
Horiei guztiei PCR bat egin behar diegu baieztatutako kasuarekin azken kontaktuaren 1. eta 8. egunetan, azken 3 hilabeteetan SARS-CoV-2 infekzioa izan dutenei IZAN EZIK, horiei ez zaie PCRrik egingo.
Iñigo Urkullu lehendakaria, Gotzone Sagardui Osasuneko sailburuarekin eta Rosa Pérez Osakidetzako zuzendari nagusiarekin batera, BECera hurbildu ziren joan den hilean, ekainean.
Osakidetzako txertaketa-kanpainak aurrera jarraitzen du, eta Lehendakariak gertutik jarraitu nahi izan du txertaketa-gaitasun handiko zentroetan dosiak emateko prozesua, kasu honetan Barakaldoko BECen.
Apirilaren 3an ireki zen BECeko txertaketa masiboko puntua antolatu eta koordinatzeko erronka izan da, bertan hiru erakunde elkartu baitira: Ezkerraldea-Enkarterri-Cruces ESIa, Barakaldo-Sestao ESIa eta Uribe ESIa.
Hilabete hauetan, 213.079 dosi eman dira BECen, eta, orain arte, egunean batez beste 2.700 dosi inokulatu dira. Eta azpimarratzekoa da egun bakar batean 4.900 txerto eman zirela.
BECen instalazioak 20 box ditu, eta horiei esker egunean 5.000 dosi baino gehiago eman daitezke.
Irekita dago jada osasun-arloan etengabeko prestakuntzako eta birziklatze profesionaleko ikasketak egiteko laguntzen epea, bai alderdi klinikoei dagokienez, bai kudeaketa- eta administrazio-arlokoei dagokienez, zentro edo erakunde nazionaletan, 2020ko irailaren 1etik 2021eko abuztuaren 31ra bitartean.
Betebeharreko eskakizunak:
- Ikasketak 2020ko irailaren 1en eta 2021eko abuztuaren 31ren artean amaitzea
- Zerbitzu aktiboan dagoen langilea izatea deialdiaren ebazpena argitaratzen den egunean
- Eskabidea bitarteko telematikoz igortzea deialdian ezarritako epearen barnean
- Eskabide sinatua eta gainerako dokumentazioa Osakidetzako edozein zerbitzu-erakunderen erregistroan aurkeztea deialdian ezarritako epean
- Deialdiaren ebazpenean jasotako gainerakoak
Eskabideak aurkezteko epea irailaren 15era
Informazio gehiagorako hemen sakatu:
Informazioa gure intranetean eta Osakidetzarenean dago eskuragarri.
Zalantzarik baduzu, gure ESIko prestakuntza-taldeari kontsultatu.
2021eko uztailaren 19an webgunean argitaratu ziren behin-behineko esleipen-ebazpenak, honako hauei dagokienez: Familiako Mediku Espezialista (LMAT), Pediatriako Mediku Espezialista (LMAT) eta Laborategiko Teknikari Espezialista.
Interesdunek 10 egun balioduneko epea izango dute erreklamazioak egiteko, uztailaren 20tik abuztuaren 2ra bitartean, biak barne. Horretarako inprimakia egongo da lekualdatze-lehiaketa ireki eta iraunkorraren webgunean.
Udako hilabeteak aprobetxatuz, honako obra hauek egiten ari dira osasun-zentro hauetan:
- Zaballa OZ: uztailetik igogailua aldatzen ari dira Osasun Zentroan. Urrian amaitzea aurreikusten da.
- Markonzaga OZ: Markonzagako izpien gela hobetu da, haren tamaina handituz eta ekipamendu berria instalatuz.
- Zuazo OZ: kanpoko modulu bat instalatu da PCR probak egiteko. Gainera, bi kontsulta berri instalatu dira.