"Txertaketa funtsezko osasun-zerbitzua da, baita COVID-19 pandemian ere, herritar guztiak babesteko gaixotasun immunoprebenigarrietatik" (Osasun Saila).

Pandemiaren une honetan, hauek dira Osasun Sailaren gomendioak:

1. Lehentasunezkotzat jotzen diren txertaketekin jarraitzea, baita alarma-egoeran ere (15 hilabetera arte, haurdun daudenak eta arrisku handiko pertsonak).

2. Txertaketa-egutegian sartutako gainerako txertaketa sistematikoak berriz ezartzea, eta alarma-egoeran egin ez direnak berreskuratzea, ikastetxeetan egiten direnak barne.

3. Nerabeentzako txertaketa berreskuratzea A, C, W eta Y serotaldeen gaixotasun meningokoziko inbaditzailearen aurka. 2020. urtean, 12 urtekoentzako C menigokokoaren aurkako oroitzapen-dosiaren ordez, A, C, W eta Y serotaldeen aurkako txerto konjugatu bat jarri da. Aldaketaren arrazoia izan da W eta Y serotaldeen kasuak nabarmen ugaritu izana azken urteotan.

Eta COVID-19 infekzioa eta kontaktu estuak izan dituzten pertsonen txertaketa?

1. Ez dugu kontraindikazio medikorik ezagutzen COVID-19 infekzioa gainditu duten pertsonen txertaketarako. Sintomak sendatu eta 14 egunez atzeratzea gomendatzen da, kutsatzeko arriskua gutxitzeko.

2. Baieztatutako kasu baten kontaktu estuak txertatu ahal izango dira isolamendu-aldia igaro ondoren sintomarik garatu gabe.

3. Txertoak emateko epe estua duten txertoak ez atzeratzea.

Hurrego estekeetan informazio gehiago duzu:

- Umeen txertaketa egutegia. Osasun Saila.

- Pertsona heldu osasuntsuen txertaketa egutegiaren posterra. Osasun Saila.

- Pertsona heldu osasuntsuen txertaketa egutegia . Osasun Saila.

- Txertorik hartu ez duten pertsonen edo txertaketa osatu gabe duten pertsonen txertaketa egutegia egokitzea . Osasun Saila.

Bronkiolitis akutua haurtzaroan ospitaleratzeko kausarik ohikoena da, baita ere lehen mailako arretan eta pediatriako larrialdietan kontsulta egiteko arrazoi ohikoenetako bat. Tratamendua haurrak dituen sintomak arintzeko neurrietan oinarritzen da (sudur-garbiketa, nutrizio-euskarria eta oxigenoterapia). Ez da gomendagarria bronkodilatadoreak, kortikoideak eta antibiotikoak erabiltzea.

Bronkiolitisaren Ibilbide Asistentzial Korporatiboa tresna gisa erabiliz, azken epidemian, beharrezkoak ez ziren botiken erabilera% 50 baino gehiago murriztea lortu dugu, antibiotikoak barne. Asistentzia-mailen eta talde-lanaren arteko integrazioa, familiak barne, funtsezkoa izan da hobetzeko. Familiek seme-alaben zaintzan inplikatu nahi dute. Baina, askotan, ez dira prest sentitzen edo ez dakite nola egin, ez baitute informazio nahikorik. Horregatik, funtsezkoa da osasun-arloko profesionalok gaixotasun pediatriko ohikoenen tratamenduan prestakuntza eta heziketa aurreratua bultzatzea. Guztiok, familiek barne, behar ez diren botiken erabilera murrizten lagun dezakegu. Horixe da bronkiolitisaren ibilbide asistentzialaren helburu garrantzitsuenetako bat.

LEHEN MAILA OSAKIDETZA     2018-2019      2019-2020

  SALBUTAMOLA                                26,5%           3,9%

  KORTICOIDEAK                                  9,4%            1,8%

  ANTIBIOTIKOAK                                12,4%           5,1%

Egilea: Marta Montejo Doktorea

Antibiotikoekin tratatzeko 7-14 eguneko jarraibideak zuzenak al dira?

Orain arte antibiotikoen bidezko tratamenduen iraupena 7-14 egunekoa izan da, eta horrek infekzio jakin batzuetan tratamendu antibiotiko luzeegiak eragin ditzake.

SEFHk (Ospitaleko Farmaziako Espainiako Elkarteak) egindako taula honetan (egin klik beheko estekan), koadro infekzioso jakin batzuetan ohikoak ez diren tratamendu-iraupenak jasotzen dira (komunitatean hartutako pneumonia, ITU konplikatuak/pielonefritisa, osteomielitis kronikoa, etab.), eta horiek ere eraginkorrak direla frogatu da. Gainera, informazio hori bermatzen duten erreferentziak dituzue horietako bakoitzean.

Taula hau honako hauetatik itzuli eta egokitu da:

- Short Course Antibiotic Therapy-Replacing Constantine Units with "Shorter is Better". Wald-Dicker N, Spellberg B. Clin Infect Dis. 2019.

- The New Antibiotic Mantra- "Shorter is Better". Spellberg B. JAMA Intern Med.2016

Posta electronikoa:PROAberriak.osibs@osakidetza.eus

Erredakzio Batzordea: Jaione Bilbao, Ainhoa Zuriñe Sanjuan, Esmeralda Santana, Jon Ugalde.