- Bronkiolitisaren ibilbide asistentzialean profesionalen artean adostutako akordioak jasotzen dira, eta familien beharrak ere barne hartzen ditu, taldearen parte baitira. Akordio horiek etengabe ari dira berrikusten eta hobetzen.
- Ibilbidean agertzen diren izartxoek hobekuntza-arloak adierazten dituzte, geu guztiok lantzen jarraitzeko: diagnostikoa kodifikatzea, larritasunaren scorea, OAF-en zeregina, familien heziketa…
Gaixotasun honen diagnostikoa ez da beti erraza, eta batzuetan, eztabaidagarria izan daiteke… Gogoratu ibilbideak bronkiolitis-gertakaria eta ondorengo sibilantzia-gertakariak kodifikatzeko eta erregistratzeko gomendioak proposatzen dituela.
2 urtetik beherakoen artean, zalantzak izan ditzakegu, baina 2 urtetik gorakoen artean bronkiolitis-diagnostikoa ez da existitzen. Hemen duzu Ibilbidearen esteka (orr. 20-24)
Azken urtetoan, Choosing Wisely bezalako ekimenak sortu dira, ebidentziatik gertuago dagoen praktika medikoa bultzatzeko, eta pazientea nahiz senideak inplikatzeko. Horrelaxe, hainbat gomendio eman dira pediatria arloko ohiko patologien gainean, horien artean, bronkiolitisa. Ondoko laburpenean, garrantzitsuenak kontsulta ditzakezu. Bestalde, bronkiolitisaren inguruko gomendioak esteka honetan dituzu.
Gogoratu zein garrantzitsua den pediatren zeregina, eskura ditugun probak eta tratamenduak zentzuz erabiltzeko. Gehiegizko erabileraren inguruan Europako Pediatriako Akademiak duen jarrera esteka honetan irakur daiteke.