Lankide horiek,

Atsegin handiz, epidemia honen gaineko 2. prestakuntza-pilula bidaltzen dizuegu. Urrian bezalaxe, ibilbidearen inguruko gako batzuk gogorarazteaz gain, artikulu interesgarri baterako esteka doakizue. Espero dugu lagungarriak izatea. BIDEAN jarraitzen dugu!

Bronkiolitisaren balorazioa. Zer egin behar da?

- Sudurreko garbiketa. Xurgapena bakarrik beharrezkoa denean

- Neurtu arnas maiztasuna

- Baloratu uzkurduren intentsitatea eta kokapena

- Neurtu oxigeno-saturazioa, batez ere, umea itxuraldatuta badago edo arnasa hartzeko zailtasunak baditu

- Erregistratu larritasunaren scorea, profesionalen arteko jarraipen eta komunikazio egokia bermatzeko

- Bronkiolitisa duen ume bat izatea esperientzia estresagarria da.

- Familiak inplikatu nahi dira beren seme/alaben zainketan, baina  askotan ez dira prestatuta sentitzen edo ez dakite zelan egin.

- Ez dute medikaziorik eskatzen. Aldez aurretiko informazioa eta prestakuntza nahi dute.

-  Horrexegatik hain da garrantzitsua gure inplikazioa, senideei prestakuntza, heziketa eta laguntza emateko.

- Hemen dituzu familientzat lagungarriak izan daitezkeen zenbait bideo. Ikusteko, klikatu hemen.

- Familiek oso ondo baloratu dituzte informazio-orriak, eta, era berean, prestakuntza eta informazio bateratua emateko laguntza-tresna garrantzitsuak dira guretzat.

GOGORATU HELBURUA: Haur horien arreta hobetzea eta hobekuntza familietara iristea!

IBILBIDEAREN ADIERAZLEAK:

- Salbutamol-preskripzioa < %15

- Adrenalina-preskipzioa < %10

- Bronkiolitis kodifikazioa > 2 urte < %10

Eta ez ahaztu hobekuntza segurua dela! Botiken preskripzioaren jaitsierak ez du eragin negatiborik izan ospitaleratze-tasan, ezta berrkontsulta-tasan ere!